Еден Германец со одлука на суд, на мажот на својата бивша сопруга ќе мора да му дава половина од својата пензија.

Судијата на Административниот суд во германскиот град Мајнц, Бернард Ванвиц секако ќе влезе во аналите на правната пракса на својата земја, бидејќи донел безмалку необична и единствена пресуда еден разведен пензионер половината на својата пензија да мора да му ја дава на мажот на својата некогашна сопруга.

Имено, станува збор за буквална примена на една одредба за издржување, која предвидува можноста пензионерот кој својата пензија ја делел со разведената сопруга по основ на издржување, по нејзината смрт да може да ја дели – со нејзиниот втор маж!.

Според важечкиот германски закон, кога брачниот пар ќе се разведе, бившиот брачен партнер со помала пензија има право на „надомест“ од пензијата на другиот партнер – ако неговата пензија е поголема.

Во секој случај, било подобро првиот сопруг да мирувал и молчешкум да ја прима пензијата наместо што се обратил до судот со барање да му се додели целиот износ на пензијата што ја делел со сопругата, која се премажила и умрела во вториот брак.

Во тој момент стапила на сила бирократијата, а судијата стриктно ја применил одредбата дека по женината смрт нејзиниот нов маж имал право на нејзината пензија и донел такво решение.

Судијата всушност го уважил барањето на натажениот вдовец, а бидејќи пензијата на жената била помала од пензијата на првиот маж од кој се развела, овој несреќник сега на мажот на својата бивша жена мора да му плаќа околу 700 евра месечно.

„Ова е единствен случај во судската пракса“, со гордост изјави судијата Ванвиц.