Google сериозно размислува да почне да наплаќа за гледање на содржините на неговиот видео сервис YouTube, пишуваат странските портали.

Најпопуларниот видео сервис во светот, кој го користат милиони корисници сепак не успеа да и донесе поголема заработувачка на компанијата, која пред неколку години го откупи сервисот. Иако и сега на YouTube се вратат огласи, заработувачката сепак не е доволна, поради што компанијата размислува како да го зголеми својот профит благодарение на видео сервисот. Компанијата планира да почне да наплаќа за premium content, односно за гледање филмови на MGM или Sony, како и за гледање на видео спотовите на големите дискографски куќи.

Доколку компанијата ја реализира оваа идеја, тогаш дел од сервисот ќе стане pay per view, додека останатиот дел и понатаму ќе остане бесплатен, а на него ќе продолжат да се вртат огласи и реклами.