Култниот режисер, кој моментално работи на снимање на филмот „Inglorious bastars“ со Бред Пит во главната улога, Квентин Тарантино наскоро почнува со снимање на ново продолжение на филмот Кил Бил.

Насловот на новото продолжение на филмот со Ума Турман ќе биде„Kill Bill: The whole blody affair“, а ќе има времетраење од неверојатни четири часа.

„Постои едно цело поглавје кое го напишав додека го снимав претходниот филм, но не го искористивме мислејќи дека филмот предолго ќе трае“, рече режисерот.

Филмот, кој според зборовите на Тарантино „најверојатно ќе биде поделен на два дела“, ќе содржи и анимирани сцени кои сам ги правел.