Во Берлин започна првиот универзитетски курс за флертувaњe,кој има за цел да им помогна на студентите - бубалици и на оние кои времето го минуваат пред компјутери да ја пронајдат вистинската љубов.

Повеќе од 440 студенти на информатичка технологија се пријавиле на бесплатниот двонеделен курс на универзитетот Потсдам во Берлин.


Студентите незадоволни од својот љубовен живот имаат можност да научат како да ги привлечат симпатиите со испраќање на провокативни е-мејлови, пишување предизвикувачки СМС пораки и со интересни разговори на забавите.

Курсот вклучува и обука од “фраерско“ држење и чекорење, но и како да се започне интересна конверзација со симпатијата.

На овој курс, студентите можат исто така, да научат и за одбивањето и како да се справат со поразот.

“Сакаме своите студенти да ги научиме на социјалните вештини за да можат да успеат и во приватниот живот и во бизнисот“, вели портпаролот на универзитетот Ханс - Јоаким Алгаир.