Завршено е гласањето за НБА Ол Стар мечот, кој ќе се одигра на 15 февруари во Феникс.

На изненадување на сите, најмногу гласови освои центарот на Орландо Двајт Хауард за кого гласале 3,150,181 навивачи, со што е соборен рекордот на сите времиња, кој пред Хауард го држеше Јао Минг.

По пребројувањето на гласовите првата петорка во Источната конференција во НБА лигата, покрај Хауард ќе ја сочинуваат Двејн Вејд (Мајами), Ален Ајверсон (Детроит), Леброн Џејмс (Кливленд) и Кевин Гарнет (Бостон).

Западната конференција како и претходните години ќе ја предводи ѕвездата на Лос Анџелес Лејкерс, Коби Брајант, а друштво во првата петорка ќе му прават Крис Пол (Њу Орлеанс), Тим Данкан (Сан Антонио), Амари Стадемајер (Феникс) и Јао Минг (Хјустон).