По 27 февруари домашната фолк-сцена ќе биде побогата за нови уште околу 25 рефрени. Благодарение на Прилеп фолк-фест, кој почнувајќи од годинава, ќе се одржува во градот под Маркови кули, на сцената на Домот на културата ќе продефилира домашната фолк-елита. Миле Кузмановски, Гоце Пејковски, Сузана Спасовка, Селимова-Желчевски, Влатко Миладиновски, Војо Стојановски, Сузана Гавазова, Блага Петревска... се само дел од најавените учесници во првото фестивалско издание. Освен домашните имиња се споменуваат и гости од соседството, но и од Италија и Германија.

Уметнички директор на фестивалот е Дејан Момироски, во чие студио и ќе се снимаат песните. Се најавува директен пренос на една од националните телевизии, а за најуспешните предвидени се и награди. Така, ќе има три награди од публиката, три од жирито и уште толку се предвидени за интерпретација.