:
Personal Rapid Transport (PRT) е името на неверојатниот изум кој доаѓа од компанијата Systematica кој својата светска премиера во доменот на урбана транспортација ќе ја има оваа година во градот Масдар во Обединетите Арапски Емирати. PRT возилата се иновативен начин на такси превоз кој го елиминира човечкиот фактор.

Најголемата брзина која ја постигнува ова такси без шофер е 40 km/h, а неговите творци ја уверуваат јавноста дека ваквиот начин на транспорт е потполно сигурен. Овие посебни такси возила, за чие користење ќе се плаќа "нормална" цена како и за обично такси, се предвидени за пократки релации (максимум 3 километри), а ќе бидат пријателски расположени кон околината, бидејќи ќе возат на батерии.

:sliki:




PRT возилата нема да се движат по истите патишта како останатите автомобили. За нив во Масдар ќе бидат изградени посебни стази, кои ќе се наоѓаат две нивоа над градските патишта, а со целиот систем ќе управува исклучително сложен компјутерски програм.

Ваквиот превоз веќе се имплементира на аеродромот Хитроу во Лондон (пуштањето на системот е закажан за оваа пролет), но во Масдар за прв пат во светот PRT ќе се користи за урбан транспорт.


:postavil:
Smilesky