Како што стојат работите изгледа дека тродиме-нзионалниот приказ конечно станува стандард. Па така компанијата CyberPower своите компјутерски системи кои се наменети за гејмерите ги испорачува со 3D очила.

Пробивањето на 3D е по заслуга на технологијата 3D Vision на Nvidia, која со помош на посебни очила, софтвер, како и екран кој ја носи титулата 'GeForce 3D Vision-Ready' ги претвора гејмерските наслови во тродимензионално искуство.

Компјутерите на компанијата CyberPower, покрај наведените “потребни“ нешта, со себе имаат и изразено агресивен изглед на куќиштата како и најмоќните компоненти кои можете да ги најдете на пазарот.

Достапната конфигурација се темели на Intel и AMD, а двете се подеднакво моќни.
Првата се состои од матична плоча Asus X58 P6T, процесор на Intel i7 920 со работен такт 2,66GHz шест GB DDR3 триканални мемории, гигабајт LAN, терабајт хард-диск како и читач Blu-ray, целиот пакет ќе ве чини 1.839 американски долари.

AMD е само малку послаба конфигурацијата и се состои од тријадрен процесор на Phenom II X3 720 Black Edition, четири GB DDR2 RAM меморија како и 500 GB простор на хард-дискот, цената изнесува 1.299 исто така американски долари.