:sliki:

:
Кинескиот ѕид е подолг отколку што се мислеше досега, утврдиле научниците кои организирале двегодишно истражување во рамки на проектот на кинеската државна управа за културно наследство.

Според најновите податоци, објавени на интернет страната на државното биро за картографија, Кинескиот или Големиот ѕид се протега на 8.851 километри, што е за две илјади километри подолго од досега познатите 6.300 километри.

Постапката е спроведена со најмодерна технологија и по мерењето е утврдено дека Кинескиот ѕид се состои од 6.259 километри ѕидови и 357,7 километри подолги или покуси ровови, а дури 2.232,5 км се природни пречки - планини и реки.

Тие, освен што откриле дека ѕидот е граден така што во него да се вклопат и природните пречки, научниците откриле и нови 290 километри од самите ѕидови што биле затрупани со песок.

Според новото истражување, Големиот ѕид почнува во Хусхан, во покраината Лиаонинг и завршува на превојот Жиажу во покраината Жансу.

Тој се протега преку 10 покраини и автономни области на кинескиот север.

Поголемиот дел е изграден или обновен во времето на династијата Минг ( 1368-1644) со цел да се спречи продорот на освојувачите од северот.

:postavil:
Smilesky