Samsung Electronics е првиот поголем светски производител на мобилна опрема кој во својата палета производи понуди „паметен“ телефон базиран на оперативниот систем на Google – Android.

На почетокот од оваа недела, јужнокорејската компанија го претстави моделот I7500, со екран чувствителен на допир и дијагонала од 8 см, камера со 5 мегапикселна леќa и 8 GB внатрешна меморија. Дебелината изнесува 11,9 мм што и не е многу ако се има пrедвид што се има овој комуникатор.
На европскиот пазар овој телефон треба да се појави во јуни оваа година и да им се придружи на неколкуте Android телефони кои ги понуди тајванската компанија High Tech Computer (HTC). Како што можеби претпоставувате, се работи за популарниот G1 кој го продава компанијата T-Mobile и за помалку познатиот кај нас модел – HTC Magic. По оваа промоција од страна на Samsung и другите поголеми производители најавија свои модели базирани на овој оперативен систем.
Во врска со I7500, од Samsung изјавуваат дека за поврзување ќе ги користи протоколите за трансфер на податоци со голема брзина (High Speed Pocket Access, HSPA) и Wi-Fi.
Инако, колку за потсетување, Android е оперативен систем за smartphone-и кој е развиен од страна на Google, а дизајниран е да го олесни пристапот и сурфањето на интернет. Оптимизиран е и за прегледување на страни кои побаруваат широкопојасен интернет како Google Maps или YouTube.