Доколку се уште не сте купиле очила за ова лето, во мода се ретро модели во неколку различни модели. Таканаречените макси очила кои го покриваат поголемиот дел од лицето и се најбарани од страна на женскиот пол. Другиот тип на очила се „ hype“. И тие се големи но наликуваат на пилотски очила.

Очилата со облик карактеристичен за филмот „Blues Brothers“. Овој ретро модел за прв пат се појави во педесеттите години на минатиот век кога беше мошне актуелен кај холивудските диви.

За разлика од мината година кога беа застапени очила со црни и кафени стакла оваа година боите се разновидни. Па така виолетовите стакла се едни од најинтересните трендови кои ги наметнува пазарот.

Најбарани модели се моделите на компанијата Ray-Ban. Сепак цената на овие квалитетни очила за сонце се движи помеѓу 100 и 230 евра.